समज

[mkapale]

समज

डोळ्यात तिच्या दिसे
मला भावना मायेची
नकार दिल्यावर का आता
भासे तीच नजर रागाची

कारण असेल नकाराचं
तशी पोर ती संस्काराची
मला वाटे सदा का आता
माझी पातळीच खालची

वादळ वाढत गेले मनात
उत्तरे न मिळती प्रश्नांची
विचारू कारण का आता
कमी आहे कुण्या गोष्टीची

सामोरा गेलो तर तिने
केली सुरुवात बोलण्याची
तुझी होऊ कशी रे आता
आहे मी खालच्या जातीची

समज हा तुझा आहे वेडा
पर्वा नाही मला सगळ्याची
बाबांच्या नजरेत रे आता
दिसली खोल दरी समाजाची

प्रेम असले जरी सच्चे
नाही आस , झेप घेण्याची
उडू पाही प्रेम रे आता
तरी , साथ ना तोडवेल नात्यांची

समज बदलेल का कधी
तुझ्या माझ्या समाजाची?
निरोप घेते तुझा रे आता
अधुरी गोष्ट प्रेमाची...गोष्ट प्रेमाची