प्रश्न

[mkapale]

प्रश्न

जरा कुठे सावरलो होतो
जग म्हणाले तोल गेला माझा
आलीस वावटळापरी तू
स्थिरतेस कंप भासला तुझा

भोवती सारे तरी अधुरा मी
होतो येण्याआधी तुझ्या
गैर भासे जे जगाला ,तेच
योग्य वाटे मनास माझ्या

जाब घेणारे होते कुठे
डोळ्यात होते प्रश्न तेव्हा
उत्तरांची कळी खुलतांना
थांबव सारे म्हणाले जेव्हा

हिंदोळे मन घेत होते
मनमुराद तो होता झोका
आनंद पसरला असता चहूकडे
का दिसे इतरांना धोका

संसार अन वयाच्या चौकटीत
थिजून जावे कि भिजावे
तोडून पाश , ऐकून मनाचे
का मनापासून न जगावे

छंद होता तोवर, वाहवा होती
करावे काम हेच रोज , तर चिंता
धन नाही ह्यात हि जोखीम आहे
छंद जोपासावे असे जसा जोडधंदा

रोजची नोकरी कि छंद,प्रश्न हा
मी लेखक, कल्पना हि ,विचारी मना
काय स्थिर अन काय अस्थिर
चित्त कि हृदय विचारू कोणा