रक्षाबंधन-कविता-11-रक्षाबंधन

[Atul Kaviraje]

                                      "रक्षाबंधन"
                                     -----------

मित्र/मैत्रिणींनो,

     आज दिनांक-३०.०८.२०२३-बुधवार आहे. आज "रक्षाबंधन" आहे. रक्षाबंधन हा सण श्रावण महिन्याच्या शुक्ल पक्षाच्या पौर्णिमेला साजरा केला जातो. बहीण-भावाच्या नात्यातील पावित्र्य जपणाऱ्या या सणाला हिंदू धर्मात विशेष महत्व आहे. यंदा ३० ऑगस्ट रोजी हा सण साजरा केला जाणार आहे. या दिवशी बहिणी आपल्या भावाच्या हातावर राखी बांधून त्याच्या सुरक्षिततेसाठी आणि दीर्घायुष्यासाठी प्रार्थना करते. मराठी कवितेच्या माझ्या सर्व भाऊ-बहीण, कवी-कवियित्रीना रक्षाबंधन सणाच्या अनेक हार्दिक शुभेच्छा. वाचूया, रक्षाबंधन वर कविता.   

                                      "रक्षाबंधन"
                                     -----------

परंपरा ही रक्षणा बहिणीच्या,

रक्षाबंधन हा सण प्रेमळ संस्कृतीचा.

भाऊ-बहिण अतुट नात नवलाईचा.

मनामनात प्रेमाची ज्योत रोषणाईचा.


पहिली राखी अर्पिली सद्गुरुना,

मग अर्पिली सर्व देव देवताना.

एक राखी सर्व सैनिकांस स्मरण,

मागणे मागते,कर सदैव रक्षण.


भारतीय संस्कृतीचा सण,

औक्षणाचे असे प्रमुख स्थान.

तबकी घेऊन सुमन ज्योत.

रेशमीबंधात वाढत राहू दे प्रित.


प्रत्येक सैनिकास,अन भावास,

मागणे मागते करून औक्षण देवास.

आम्हा सर्वांच्या पाठीशी राहून,

सदैव कर आमचे व देशाचे रक्षण.


रंक्षाबंधन माहेरवाशिणीचा भेटीचा,

सासर, माहेर मिलन गाठीचा.

स्वतःच्या हाताने मिठाई भरवत

उजळणी बालपणातील आठवणीचा.


वेळच नाही कुणास ही आज,

जो तो धावतोय नोकरी पाठी.

नात्यात प्रितीचा सुगंध दरवळण्यास,

सण रक्षाबंधन, आठवण देण्यासाठी.

--संजना कामत
--------------

                        (साभार आणि सौजन्य-संदर्भ-स्टोरी मिरर.कॉम)
                       -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.08.2023-बुधवार.
=========================================