श्रीकृष्ण जयंती-निबंध-3

[Atul Kaviraje]

                                     "श्रीकृष्ण जयंती"
                                    ----------------

मित्र/मैत्रिणींनो,

     आज दिनांक-०६.०९.२०२३-बुधवार आहे. आज "श्रीकृष्ण जयंती" आहे. शास्त्रानुसार श्रीकृष्ण जन्म रात्री १२ वाजता रोहिणी नक्षत्रामध्ये झाला होता. त्यानुसार गृहस्थ जीवन जगणारे भक्त ६ सप्टेंबर रोजी श्रीकृष्णाची जयंती साजरी करतील. मथुरेतही जन्माष्टमी ६ सप्टेंबरलाच साजरी केली जाणार आहे. या दिवशी रोहिणी नक्षत्राचा संयोगही असतो. हिंदी पंचांगानुसार, भाद्रपद महिन्यातील कृष्ण पक्षातील अष्टमी तिथी 6 सप्टेंबर 2023 रोजी दुपारी 3.37 वाजता सुरू होईल आणि 7 सप्टेंबर 2023 रोजी दुपारी 4.14 वाजता समाप्त होईल. भगवान श्रीकृष्णाचा जन्म मध्यरात्री झाला असल्याने जन्माष्टमी उत्सव रात्री साजरा केला जातो. त्यामुळे जन्माष्टमीची तारीख 7 सप्टेंबर मानली जाईल. मराठी कवितेच्या माझ्या सर्व भाऊ-बहीण, कवी-कवियित्रीना श्रीकृष्ण जयंतीच्या अनेक हार्दिक शुभेच्छा. वाचूया कृष्ण जन्माष्टमी वर निबंध.

             कृष्ण जन्माष्टमी कधी साजरी केली जाते--

     भगवान कृष्णाचा जन्म दिवस मोठ्या आनंदाने साजरा केला जातो. श्रावण महिन्याच्या कृष्ण पक्षातील अष्टमी तिथीला मध्यरात्री रोहिणी नक्षत्रावर श्रीकृष्णाचा जन्म झाला.त्यामुळे त्या अष्टमीला हा जन्मदिवस उत्साहाने साजरा होतो. मथुरा नगरीचा राजा कंस होता आणि तो खूप जुलमी होता. कंसाचे अत्याचार दिवसेंदिवस वाढत होते.

     एका आकाशवाणीत सांगण्यात आले होते कि त्याची बहीण देवकीचा आठवा मुलगा त्याला ठार करील. कंसाने एकेक करून देवकीच्या सात बाळांना ठार केले. जेव्हा देवकीला आठवे मूल होते, तेव्हा भगवान विष्णूंनी कृष्णाला गोकुळात पोचवण्याचे आदेश दिले, जिथे तो कंसापासून सुरक्षित होता, नंद राजाच्या देखरेखीखाली भगवान कृष्ण वाढले. त्याच्या जन्माच्या आनंदामुळे, दरवर्षी जन्माष्टमीचा उत्सव साजरा होऊ लागला.

              दही हंडी स्पर्धा--

     कृष्ण जन्माष्टमीच्या दुसऱ्या दिवशी, देशातील बऱ्याच ठिकाणी मटका फुटण्याची, दही हंडीची स्पर्धा देखील आयोजित केली जाते. सर्व ठिकाणांवरील मुले दही हंडीमध्ये भाग घेतात. हंडी ताक आणि दहीने भरलेली असते आणि दोरीच्या सहाय्याने हंडी आकाशात लटकवतात.

     मुले वेगवेगळा गट थरून ही हंडी तोडण्याचा प्रयत्न करतात. मुंबई सारख्या ठिकाणी दहीहंडी हा एक मोठा उत्सव आहे. मुंबईमधील काही मंडळांची गिनीज बुकात सुद्धा नोंद झाली आहे. दही हंडी स्पर्धेत जिंकणाऱ्या संघाला योग्य पुरस्कार देण्यात येतो. सर्व थर रचत एकदाही न खाली पडत मटका फोडण्यात यशस्वी होणारी टीम संघाच्या पुरस्कारास पात्र आहे.

               गोकुळातील करामती--

     असे म्हणतात की कृष्णाचा जेव्हा जन्म झाला तेव्हा सर्व तुरुंगातील रक्षक झोपले होते आणि देवकी आणि वासुदेव यांच्या खोलीचे दरवाजे आणि कारखान्याचे दरवाजे स्वतःच उघडले.

     त्यानंतर वसुदेव यांनी कृष्णाला टोपलीमध्ये ठेवले आणि नदी पार करत आपला मित्र नंदाच्या घरी सोडले. पन्डीला पूर आला असताना सुद्धा वसुदेव एकदम सहजपणे नदी पार करून गेले ते केवळ कृष्णाच्या अचाट शक्तीमुळेच. नंतर कृष्णाने कंसाचा वध केला.

     या कारणास्तव लोक कृष्णाला देवाचा अवतार मानायचे. म्हणूनच लोक त्याची उपासना करतात. श्री कृष्णाचे गोकुळामध्ये राहून बरेच किस्से वाचायला मिळतात. तो आपल्या मित्रांसह गायी चरायला घेऊन जायचा. कृष्णावर गोकुळचे सर्व लोक खूप प्रेम करायचे. कृष्णा देखील प्रत्येकाला मदत करायचा.

     श्री कृष्णाला चेंडूचा खेळ सुद्धा खूप आवडायचा. त्याने आपल्या सवंगड्यांना मोठ्या धोक्यांपासून नेहमीच वाचवले होते. या कारणास्तव, तो लोकांमध्ये खूप लोकप्रिय झाला.

     कृष्णाने लोकांना गायींचे महत्त्व सांगितले. त्यांनी गायींचे संरक्षण व पालन करण्यास जनतेला प्रोत्साहन दिले. यामुळे शेतीची प्रगतीही झाली. यामुळे गोपाळांच्या लोकांच्या आरोग्यामध्ये मोठ्या प्रमाणात सुधारणा झाली. गोपिकांचे सुद्धा कृष्णावर खूप प्रेम होते. कृष्णाच्या बासरीचे सूर ऐकण्यासाठी, गोपिका सर्व कामे सोडून यायच्या.

--by Marathi Social
----------------------

                      (साभार आणि सौजन्य-संदर्भ-मराठी सोशल.कॉम)
                     --------------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-06.09.2023-बुधवार. 
=========================================