बैलपोळा-कविता-5-बेंदूरबैल

[Atul Kaviraje]

                                       "बैलपोळा"
                                      -----------

मित्र/मैत्रिणींनो,

     आज दिनांक-१४.०९.२०२३-गुरुवार आहे. आज "बैलपोळा" आहे. पोळा किंवा बैलपोळा हा श्रावण अमावस्या किंवा भाद्रपद अमावास्या या तिथीला प्रदेशानुसार साजरा करण्यात येणारा बैलांचा सण आहे. बैलांप्रती कृतज्ञता व्यक्त करणारा हा एक मराठी सण असून हा विशेषतः विदर्भात भव्य पातळीवर साजरा केला जातो, विदर्भातील सीमेवर असलेल्या मध्य प्रदेश व तेलंगण सीमाभागातसुद्धा हा सण साजरा होतो. मराठी कवितेच्या माझ्या सर्व बंधू-भगिनी, कवी-कवियित्रीना बैलपोळाच्या अनेक हार्दिक शुभेच्छा. वाचूया, या सणIवर कविता.

                                       "बेंदूरबैल"
                                      ----------

आता परत जातो कुरवात.

काळी माती घेऊन येतो घरात.

लडबडीत होऊन चिकलान.

दोन बैल बनविन हातानं.


दावणीला नाही उभ जणांवर

वळचनीला नाही लाकडी नांगर

गवानीत टाकीन खोटा चारा.

बांधुन मी या दोघांना

साजरा करीन बैल पोळा.


या सर्व कल्पना मनात डोकावतात

लहान पण हरवल पण

जुन्या आठवणी आठवतात

बैलाची दिवाळी साजरी होत असे.

रंग लावुन शिंगाना त्यावर गोंडा शोभुन दिसे


गावाकडची पिकलेली पाने गळून पडली.

सणा सुदीची मजाच नाही उरली

काटीचा सारा घेऊन संस्कृतीचा नारा देनारा

शेतकरीवर्गच उरला नाही

सणाचा रंग फिका पडला.


आता जातो...........कामावर......

--अमोल धों सुर्यवंशी
------------------

                       (साभार आणि सौजन्य-संदर्भ-स्टोरीमिरर.कॉम)
                      -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-14.09.2023-गुरुवार.
=========================================