नवा स्पर्श

[yallappa.kokane]

नवा स्पर्श

नवा स्पर्श जाणवला सखीचा
नजरही तिची बोलकीच होती
प्रेम व्यक्त करण्याची वाट जणू
खऱ्या अर्थाने मोकळीच होती

जीवाला "निवांत" भेटला कधी
आठवणींच्या गावात रमून जातो
माझी नजर शोधते नेहमी तिला
तिच्याच विचारात हरवून जातो

श्वास घेणं गरजेचं असतं तसे
विचारात सखीच्या जगतो आहे
काळजाचं दुःख स्वतःस ठाऊक
तिचा दुरावा फार सलतो आहे


यल्लप्पा सटवाजी कोकणे
११ जानेवारी २०२४