"शांत तलावावर सकाळचे धुके"

[Atul Kaviraje]

शुभ सकाळ, शुभ शुक्रवार.

"शांत तलावावर सकाळचे धुके"

सकाळची शांतता हळूहळू पुढे येते
पाण्यावर एक लहर उठत जाते
तलावावर धुकं पसरत राहतं, 
तलावावर सफेद पांघरूण घालतं.

पाणी शांत, निर्मल, स्थिर आहे
त्यावर सुर्याचे किरण पडायचे आहेत
धुके पसरते पाण्यावर हळूहळू,
फुलांचा गोड गंध पसरू लागतो.

पाण्याचे रुप, निसर्गाची  किमया
धुके अन पाणी,  जणू एक नवा विचार
फुलांचा गंध पाण्यात मिश्रित होतो,
पक्षी उडता उडता गाणे म्हणू लागतो.

वृक्षांची सावली अलवार थंड छायेत
धुके शिरते, त्यामध्येही पहाता पहाता
पांढऱ्या धुक्याचं तलावात प्रतिबिंब दिसतं,
तलावाचं जल आनंदाने हेलकावत राहतं.

धुकं घनदाट आकारांनी पसरत राहतं
पाणी वाहताना वेगवेगळ्या दिशा घेत
तलावाला धुकं पूर्ण झाकून टाकतं,       
जणु विरळ पांढरी चादर पसरवतं.          .

क्षितिजावर हळूहळू रंग उमलतात
सूर्याच्या येण्याची चाहूल देतात
तलावाच्या काठावर अजुनी असतो अंधार,
सकाळच्या धुक्यामध्ये असतो वेगवेगळा आकार.

दूर प्राचीवर उषेचे आगमन होते
तलावावर धुक्याचे अजुनी राज्य असते
धुक्याचा असतो आपलासा आगळाच अंदाज,   
धुक्याचा पसरण्याचा असतो वेगळाच मार्ग.

गंध घेऊन पसरत असते शांती
थंड वाऱ्याची मंदावलेली असते गती   
सकाळच्या धुक्यात हरवलेले क्षण,
धुके दाटत राहते कण कण. 

सुर्याचे किरण तलावावर पडत रहातात
शांत तलाव किरणांचं स्वागत करतो
हळूहळू धुके हटत जाते, 
निसर्गाचे हेही रूप पाहावयास मिळते !

--अतुल परब
--दिनांक-20.12.2024-शुक्रवार.
===========================================