नव मार्ग

[शिवाजी सांगळे]

नव मार्ग

सुधरत नाही,चुकलेली वाट पुन्हा एकदा
का चुकलो आपण?मनात एकच तगादा

शोधता उत्तरे, काहीच हाती लागत नाही
झरू लागती अंतरी, नवे प्रश्न काही बाही

एक मात्र होते,धडा नवीन मिळून जातो
जगण्याचा अर्थ स्वतःलाच कळू लागतो

समृद्ध होते, शिदोरी विविध अनुभवांची
कळते ना किंमत, भोवतालच्या जगाची

कसाही असो न्याय उफराटा या जगाचा
हिंमत येते शोधण्यास नव मार्ग स्वतःचा

©शिवाजी सांगळे 🦋papillon
संपर्क: +९१ ९५४५९७६५८९