पावसा फक्त एवढंच कर

[kp.rohit]

पावसा फक्त एवढंच कर
अर्धे भरले ढग...
तळहातावर रिते कर!!
चार चुकार थेंब
मी झटकून टाकेन.
काहीच घडले नाही
असे उमजून वागेन.

पावसा फक्त एवढंच कर
अवेळीच जा बरसून...
नकळत झोपेत असताना!!
कळलेच तर घेईन मी डोळे मिटून
पोचपावती म्हणून सांडेन.
काहीबाही पापणीतून.

पावसा फक्त एवढंच कर
निघून जा काहीच न कळवता...
तुझ्या स्थलांतराच्या वेदना आणि
वाट पाहण्याची सोंगे प्रसवताना
आता जीव काही
पूर्वी इतका उसवत नाही.

-रोहित कुलकर्णी

[rchandu]

पोचपावती म्हणून सांडेन.
काहीबाही पापणीतून.
hur-hur lavnari sundar kavita, abhinandan.

[pyesaware]

masttttttt

[pyesaware]

आता जीव काही
पूर्वी इतका उसवत नाही.


Khupach chan ahea kavita...

[madhura]

mast ch Rohit