बरे नाही.

[pralhad.dudhal]

बरे नाही.

जीव लाऊन असे उगा टाळणे बरे नाही.
वेरहवेदनेत असे जाळणे बरे नाही.

चिंब प्रेमात पुरता भिजला होतो तुझ्या,
उपहासाच्या उन्हात या सोडणे बरे नाही.

रेखाटले स्वप्नचित्र भाबडे एक देखणे,
रेषा वाळुवरच्या अशा पुसणे बरे नाही.

धुंद स्नेहाळ सहवासाचा तुझ्या भुकेला मी,
भुकेल्याचा घास तो असा तोडणे बरे नाही.

घायाळ पुरता मी आता सहेना ही यातना,
एखाद्याचा एवढा अंत पाहणे बरे नाही.

चुकलो जरासा गुन्हा माझा आहे मला मान्य,
एवढीशीच चूक ती! रागावणे बरे नाही.
            प्रल्हाद दुधाळ.
     ..........काही असे काही तसे!

[gaurig]

खुपच छान...

जीव लाऊन असे उगा टाळणे बरे नाही.
वेरहवेदनेत असे जाळणे बरे नाही.
चुकलो जरासा गुन्हा माझा आहे मला मान्य,
एवढीशीच चूक ती! रागावणे बरे नाही.