गुण तुझे गाण्यासाठी

[शिवाजी सांगळे]

गुण तुझे गाण्यासाठी

सृष्टी सारी आनंदाने न्हाऊन जावू दे रे
गुण तुझे गाण्यासाठी मनी भाव येवू दे रे ॥ध्रु॥

शित वारे सुटते आधी मेघ सावळे येता
प्रफुल्लित होती झाडे जाणीव तुझी होता
नयनरम्य दृश्य अवघे मला दिसू दे रे ॥१॥

डोईवर पडती आधी थेंब अमृताचे 
अनोखा सुर बोलती बोल त्या सरींचे
आस्वाद त्या सुरांचा मला घेऊ दे रे ॥२॥

मध्ये मध्ये स्तब्ध होता सुरेल गाणे
सुखावून देते ओल्या उन्हाचे अवचित येणे
खेळ उन पावसाचा मला पाहू दे रे ॥३॥

एका एका थेंबाने नदी बहरताना
ओहळ नाल्यां मधूनी आधी दौडताना
लुटू पुटूची शर्यत एकदा मला पाहू दे रे ॥४॥

©शिवाजी सांगळे 🦋papillon
संपर्क: +९१ ९५४५९७६५८९