तुला पाहता असे वाटले..........

[deepak pawar]

तुला पाहता असे वाटले
वसंतात ही बहरली फ़ुले

निळे सावळे मेघ तसे तव नयन भासती
नभापरी या तव गालांची रंगसंगती
रजनीचे काजळ तुझिया केसात गुंतले
तुला पाहता असे वाटले........

गंध फ़ुलांचा तसा तुझा दरवळे श्वास
वार्‍यापरी चहुकडे तुझाच पसरे भास
झुळझुळणारा झरा तसे पैजण छनछनले
तुला पाहता असे वाटले.........

रंग धुक्याचा...गोंदले तू रवीबिंब भाळी
वेलीवरची कळी जणू गालावरी खळी
रंग फ़ुलांचे तुझिया ओठावरी रंगले
तुला पाहता असे वाटले..........

[mahesh4812]

nice

[UNREVEALED MYSTERY]

aavdali...

[chetan350]

khup bhari!