श्वास

[umesh kothikar]

श्वास गोठले तुझ्याविना; तर
ठेवशील ना मला प्रवाही?
असशील कोठे जरी तू; माझे
श्वास राहू दे तुझ्यात काही

श्वासांमध्ये घरटे अपुले
नि:श्वासातच अपुले अंगण
अधरांवरती तुझे मिरवते
श्वासांचे रोमांचित गोंदण

श्वास बिलगती जेथ तिथे तू
श्वास जाहले अपुले अंतर
अक्षर अक्षर नाव उमटते
श्वासांमध्ये तुझे निरंतर

सोस कशाला शतजन्मांचा?
चार श्वास घ्यावे प्रेमातून
दोन श्वास मी तुझ्यात घेते
दोन श्वास तू घे माझ्यातून

श्वासांचा हा प्रवास अपुला
श्वासांपल्याड, सुटता बंधन
आत्म्याचे हे श्वास कुठे जर
करीन ते ही तुलाच अर्पण

[sharyu kshirsagar]

 sharyu kashirasagar

[UNREVEALED MYSTERY]

mast ahe aavdal ..

[shashaank]

सोस कशाला शतजन्मांचा?
चार श्वास घ्यावे प्रेमातून
दोन श्वास मी तुझ्यात घेते
दोन श्वास तू घे माझ्यातून ----- jabaree

[jagdishkadam]

mast ahea

[jyothi salunkhe]

mast kavita aahe