सवयच आहे तिला ...सवयच आहे मला

[Sameer Nikam]

सवयच आहे तिला
रोज विनाकारण माझ्यावर चिडण्याची
उगाच गाल फुगवून रुसून  बसण्याची

सवयच आहे मला समजूत तिची घालण्याची
त्यात हि ती नाक मुरडायची
पण रागावल्यावर खूप सुंदर दिसायची

सवयच आहे तिला
कधी कधी मला खूप मारण्याची
स्वतःलाच लागले म्हणून ओरडण्याची

सवयच आहे मला खोटे खोटे नाटक करण्याची
त्यातही ती मला जवळ घ्यायची
लागले का म्हणून प्रेमाने विचारायची

सवयच आहे तिला
विनाकारण कोणत्याही गोष्टीवर भांडण्याची
उगाच चिडचिड करण्याची

सवयच आहे मला भांडण्यातला गुंता सोडवण्याची
त्यातही माझ्या चुका ती शोधायची
मधेच सारे विसरून मला प्रेमाने मिठीत घ्यायची

सवयच आहे तिला
भेटल्यावर मी उशिरा आलो म्हणून वाद घालण्याची
माझ्याशी कट्टी घेवून शांत बसण्याची

सवयच आहे मला समजूत तिची काढण्याची
पुढल्या खेपेस लवकर ये म्हणून वचन ती मागायची
मन तिचे शांत होताच हातात हात धरून फिरायची

सवयच आहे तिला
जाताना घरी लहान मुलासारखे रडण्याची
अलगद गालावर मुका देण्याची

सवयच आहे मला स्वतःचे दुख लपवण्याची
जाताना हसत जा म्हणून तिला सांगायची
ती पुढे गेल्यावर स्वतःचे डोळे पुसण्याची 

समीर सु निकम

[केदार मेहेंदळे]

mast kavita.....

god god savayi

[Sameer Nikam]

thnks a lot KEDAR...