Author Topic: कधी लागेल गोडी तव नामाची!!  (Read 1293 times)

Offline श्री. प्रकाश साळवी

  • Jr. Member
  • **
  • Posts: 216
  • Gender: Male
  • कवी प्रकाश साळवी

जाणिले जरी अशाश्वत विश्व सारे,
अशाश्वत ब्रम्हांड सारे,
तरीही ओढ ना घेई तव नामाची,
का रे दयाघना? कधी लागेल गोडी तव नामाची.

सारे सुखाचे सांगाती, दुखाःत ना साथ देती,
मायेचा पसारा, मायेत चिंब भिजवती,
तव नामात सुख मोठे आली त्याची प्रचीती,
का रे दयाघना? कधी लागेल गोडी तव नामाची.

ज्ञानेश-तुक्याने सांगितली याचीच महती,
गोरा-नाम्याने यानेच साधली प्रगती,
संत समागमानेच होईल नाहीशी अधोगती,
का रे दयाघना? कधी लागेल गोडी तव नामाची.

तव नामातच दंग होऊ दे - गुंग होऊ दे,
तन-मन माझे तुझेच नामी लागू दे,
नामातच रंगुनी जाऊ दे हीच विनंती
का रे दयाघना? कधी लागेल गोडी तव नामाची.

श्री प्रकाश साळवी दि २४ मार्च २०१४

Marathi Kavita : मराठी कविता


Offline vijaya kelkar

  • Jr. Member
  • **
  • Posts: 312
Re: कधी लागेल गोडी तव नामाची!!
« Reply #1 on: March 25, 2014, 08:28:45 AM »
   आळविता आळविता
   अवचिता  ना कळता
   आला हा नकळविता
   दयाघना भगवंता ............................................

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
नाऊ वजा एक किती ? (answer in English number):