Author Topic: रामराया...  (Read 675 times)

Offline विक्रांत

  • Hero Member
  • *****
  • Posts: 1,550
रामराया...
« on: April 25, 2014, 07:49:12 PM »

तुझ्याविना जगण्याचे   
बळ दे रे रामराया
तुझा भक्त म्हणविण्या
धैर्य दे रे रामराया ||१||
जीवनाचा प्रवाह हा
मिळतोय सागराला
क्षुब्ध त्या गलबलाटी 
स्थैर्य दे रे रामराया ||२||
सांभाळीले कड्यावरी
न बोलविता झेलले
तो तुझा स्पर्श सुखाचा
पुन्हा दे रे रामराया ||३||
मरण्याचे भय नाही
पुन्हा जन्म असो नसो
तुझे प्रेम अंतरंगी
फुलू दे रे रामराया ||४||

विक्रांत प्रभाकर

« Last Edit: April 26, 2014, 07:26:14 PM by MK ADMIN »

Marathi Kavita : मराठी कविता