Author Topic: आज फोडायची दहीहंडी  (Read 226 times)

Offline madhura

  • Jr. Member
  • **
  • Posts: 271
  • Gender: Female
  • I am Simple
आज फोडायची दहीहंडी
« on: October 27, 2015, 01:47:01 AM »

जमवुनी सारे गोपगडी, चला पिटवू दवंडी |
आज फोडायची दहीहंडी, आज फोडायची दहीहंडी || ध्रु ||

घरी दह्या लोण्याचे रांजण, दारी लाह्या पोह्याचे आंदण,
धन धान्याची ही उतरंडी, आज फोडायची दहीहंडी || १ ||

फळा-फुलांनी सजली हंडी, बाळ गोपाळ उभे उदंडी,
प्रेमभावाची ही कुरवंडी, आज फोडायची दहीहंडी || २ ||

उंच उंच रचू या मनोरे, काय कठीण ? जाऊ सामोरे,
ना उडायची घाबरगुंडी, आज फोडायची दहीहंडी || ३ ||

पुन्हा पुन्हा मनोरा कोसळे, गोपमेळा भूमीवरी लोळे,
नका हसू, उगाच लवंडी, आज फोडायची दहीहंडी || ४||

हंडी फोडायचा एकच चंग, चिंब पावसात भिजले अंग,
आज सोसायची थोडी थंडी, आज फोडायची दहीहंडी || ५ ||

दहीहंडी मध्ये साठवण, कष्ट करायची शिकवण,
फळ श्रमाचे मिळे त्रिखंडी, आज फोडायची दहीहंडी || ६ ||

कान्हा क्षणात रिंगणी आला, हंडी फोडुनी केला हो काला,
मुखी प्रसादाची जाई उंडी, गोविंदानीच फोडली हंडी || ७ ||

गीतकार - उपेंद्र चिंचोरे

Marathi Kavita : मराठी कविता

आज फोडायची दहीहंडी
« on: October 27, 2015, 01:47:01 AM »

Download Free Marathi Kavita Android app

Join Marathi Kavita on Facebook

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
पाच अधिक पाच अधिक शून्यं  किती ? (answer in English number):