Author Topic: चारोळी पावसाची-क्रमांक-57-निसर्ग मानवाचा खरा मित्र  (Read 65 times)

Offline Atul Kaviraje

  • Hero Member
  • *****
  • Posts: 6,403
                                   चारोळी पावसाची
                                      क्रमांक-57
                                  ----------------

मित्र/मैत्रिणींनो,

     --पावसावरली आजची  शेवटली  चारोळी  आहे . जून-२०२२ , मध्ये  सुरु  झालेला  पाऊस  जवळ -जवळ  ४  महिन्यांनी  म्हणजे  आज  सांगता  करीत  आहे . पुढील  वर्षी  म्हणजे -२०२३-साली , तो  नित्य-नेमाने  जेव्हा  जूनमध्ये  पुन्हा  नवे  रूप घेऊन  अवतीर्ण  होईल , तेव्हा  पुन्हा  नव्या  उमेदीने  आपण   पावसाच्या  नव्या  चारोळ्या  नक्कीच  ऐकुया . असो ,

     प्रस्तुत  चारोळीत  कवयित्रीने  मानवी  मनाचे  अनेक  कंगोरे  सांगितले  आहेत . आणि  त्याची  सांगड  ती  या  निसर्गाबरोबर  घालू  पहात  आहे . ती  म्हणतेय , मानवी  स्वभाव  हा  असाच  आहे . त्याला  काम ,क्रोध ,लोभ , मोह , मद , मत्सर  या  भावना  निसर्गतःच  असतात . तर आपल्याला  राग , क्रोध  येताच , ज्याप्रमाणे  पाऊस  कधी  मुसळधार  कोसळतो , तद्वतच  आपला  क्रोध  व्यक्त  करावा . आणि  ही  पावसाची  रुद्र  संततधार  आटोक्यात  येताच , आपला  रागही  तसाच  हळुवारपणे  वाऱ्याच्या  झुळुकीसम  लुप्त  करावा , नाहीसा  करावा , व  शांत , प्रसन्न  व्हावे . पुढे  ती  म्हणतेय , आपला  क्रोध  सरताच , शमताच , पावसानंतर  वाहणाऱ्या  गार , शीत , ओल्या  वाऱ्यासवे  आपल्या  मनीचे  सुमधुर  गीत  गावे , आणि  ते  त्या  दूत-वाऱ्याबरोबर  पुढे  पोचवावे , वाहू  द्यावे , लहरू  द्यावे . शेवट  करता  ती  म्हणतेय , आणि  असं  जर  तुम्ही  निसर्गाच्या  सान्निध्यात  सतत  राहिलात , निसर्गा-बरोबर  जात  राहिलात , निसर्गाचे  ऐकत  राहिलात,  तर  तुमची  उन्नती  नक्कीच  आहे . तिथेच  तुम्हाला  जगण्याचा  खरा  अन  नवा  अर्थ  सापडेल . जेणेकरून  तुम्ही  नित्य  आनंदी  रहाल , प्रसन्न  रहाल , सदैव  फुलतं  रहाल , तुम्हाला  दुःखाचाही  विसर  पडेल  आणि  तुमचे  जीवन  सार्थकी  लागेल .

             निसर्ग मानवाचा खरा मित्र
            -----------------------
क्रोध येता पावसापरी बरसावे,
क्षण सरता झुळूकी प्रमाणे हळुवार लुप्त व्हावे,
मंद गार वा-यासवे सुमधूर गीत गावे,
निसर्गाच्या किमये सम सतत मानवाने फुलत रहावे…
========================

--कवयित्री:साक्षी कांबळे
---------------------

                    (साभार आणि सौजन्य-संदर्भ-विश मराठी.कॉम)
                   -----------------------------------------

-----संकलन
-----श्री.अतुल एस.परब(अतुल कवीराजे)
-----दिनांक-30.09.2022-शुक्रवार.


 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
Type the letters shown in the picture
Listen to the letters / Request another image
Type the letters shown in the picture:
पन्नास गुणिले दोन किती ? (answer in English):