इतर कविता
(क्रमांक-165)
--------------
मित्र/मैत्रिणींनो,
"इतर कविता" अंतर्गत मी इतर कवींच्या कविता आपणापुढे सादर करीत आहे .
सहज बोलताना
---------------
सहज बोलताना
तुझी बात आली
जुन्या सावल्यांची
जुनी रात आली
हसलो जरी मी
अश्रू फसवून गेले
तुझ्या आठवांची
बरसात झाली…
म्हटले कुणी,
“ती मौजेत आहे”,
चला एकदाची
खबरबात आली…
खरे सांग माझे
कसे पाप झाले
का माझ्या स्मृतींना
अशी मौत आली?
लक्ष्मीचीच होती
तुझी पाऊले जी
कुणा पुण्यवंताच्या
दारात गेली…
--संकलक-सुजित बालवडकर
--------------------------
(साभार आणि सौजन्य-मराठी कविता.वर्डप्रेस.कॉम)
---------------------------------------------
-----संकलन
-----श्री.अतुल एस.परब(अतुल कवीराजे)
-----दिनांक-14.03.2023-मंगळवार.
=========================================
