Author Topic: घर स्वप्नातले  (Read 820 times)

Offline aap

  • Jr. Member
  • **
  • Posts: 94
घर स्वप्नातले
« on: September 02, 2013, 03:54:52 PM »
घर स्वप्नातले

असे असावे सुंदर घर स्वप्नातले
जसे गोकुळ बाळगोपाळानी भरलेले
मायेच्या कॊलानी शाकारलेले संस्कारानी मंतरलेले
समीप नारळी पोफळीच्या झावळ्यांनी झाकलेले
घरा जवळुनी वाहत जावी जीवनदायिनी
तिच्याकिनारी प्रतीक्षेत उभी असावी माझी अर्धांगिनी
असावे अंगण त्यास गोमये संमार्जिलेले
प्रात:काली रविकिरणे निजकरे रांगोळी रेखाटलेले
अंगणी उभे असावे पवित्र तुळशी वृंदावन
घरची लक्ष्मी सांज सकाळी लावी दीप निरांजन
घरांत नांदो सदा सुख समाधान चित्ती शांती
आल्या गेल्याचे पुसती वर्तमान जपती नाती
तिन्हीसांजा झाल्या थरारती सावल्या
हातात हात धरिला तरी कापतो दावी आधारवड वाकुल्या 
                                    सौ . अनिता फणसळकर   
                                                       

Marathi Kavita : मराठी कविता