Author Topic: पावसारे ...  (Read 1469 times)

Offline शिवाजी सांगळे

  • Sr. Member
  • ****
  • Posts: 1,266
  • Gender: Male
  • या जन्मावर, या जगण्यावर, शतदा प्रेम करावे.....
पावसारे ...
« on: June 24, 2014, 03:20:52 PM »



होत मन उदास
कधी कधी एकट्यात
वाटत भिजवून डोळे
घ्यावेत चिंब पावसात!

बरं होईल भिजल्यावर
डोळ्यांना अन मनाला
नकळत, साऱ्यांच्या देखत
बहाण्याने तूझ्या रडायला!

आताशा पावसा तू
स्वतःच दडी मारलीस
दुख: आपले गिळून
आमचीही गोची केलीस!

येरेयेरे पावसा, जरी
कायम म्हणत होतो
खोटे पैसे, खरोखरच
कधीच देत नव्हतो!

तरी मित्रा, आता
तू धुवांधार बरसावं
मनाला अन डोळ्यांना
पुन्हा एकदा भिजवावं


© शिवाजी सांगळे

Marathi Kavita : मराठी कविता