Author Topic: पन्नास वर्षांनंतर पावूस  (Read 412 times)

Offline विक्रांत

  • Hero Member
  • *****
  • Posts: 1,550
आणखी पन्नास वर्षांनंतर
पावूस असा नाही पडणार 
कुठे कमी तर कुठे जास्त
मर्जी त्याची नाही चालणार
 
आकाशात होतील कालवे
मेघ अडविण्या वातद्वार
हवा तिथे हवा तेवढाच
पावूस पडेल धुवांधार

अशी जादू विज्ञानाची
दुनिया नक्की पाहणार
भगीरथाचे वंशज आम्ही
ही किमया साधणार

गळा कुणी ना बांधेल दोर
कुणी कधी ना जहर पिणार
कुठले ना घर उजाड होणार
हसेल स्वप्न हिरवेगार 
 
पाण्याचा न होईल व्यापार 
नसेल सावकार ना लुटमार
बळी राजा माझा इथला
राज्य वरुणावर करणार 


 
विक्रांत प्रभाकर
« Last Edit: April 09, 2015, 09:13:24 AM by MK ADMIN »