खैरलांजी घडलं येथ जावखेडा घडलं
माझ्याच भावाच तिथं रक्त रं पडलं !
ना कुणी आलं ना कुणाच रं अडलं
माझच गणगोत सारं येऊन तिथं नडलं !
मजबूत भीमाचा किल्ला कानी त्याच्या गेलं
ऐकूण मनुवाद्यान त्याला तेथेच संपवलं !
शिर्डीची घटना बघून रडू मज आलं
माझच गणगोत सारं येऊन तेथ नडलं !
पडली सावली झाला बाट बेदम तिला मारलं
चिमुरडा जीव होता नाही त्याला दिसलं !
कोवळ्या जीवाच्या सावलीने काय त्याचं बिघडलं
माझच गणगोत सारं येऊन तिथं नडलं !
भीमाच रक्त आम्हीं नाही रे गोठवलं
एकीचे बोल आम्हां बाबाच आठवलं !
ज्यांनी केला जातिवाद त्याला आम्हीं घेरलं
माझच गणगोत सारं येऊन तिथं नडलं !
कवी - संजय बनसोडे
9819444028
