स्वातंत्र्याच्या या होमकुंडात
दिली आहुती ज्यांनी प्राणांची,
किती किती वर्णावी महती
त्या अनाम स्वातंत्र्यवीरांची...
तुळ्शीपत्र ठेविले घरीदारी
भय नव्ह्तेच ज्यांच्या मुखी,
निष्ठा होती ज्यांची देशाप्रती
आस होती फक्त स्वातंत्र्याची,
किती किती वर्णावी महती
त्या अनाम स्वातंत्र्यवीरांची...
तारुण्याची करुनी ज्यांनी होळी
स्वातंत्र्य हे दिले आमच्या झोळी,
इतिहासाची ही पाने ही गाती
कथा ज्यांच्या हो परक्रमाची,
किती किती वर्णावी महती
त्या अनाम स्वातंत्र्यवीरांची...
भविष्य देशाचे उजळविण्या
विझूनी हजारो जे दिवे गेले,
स्वातंत्र्याचा हा सूर्य ही देई
साक्ष ज्यांच्या हो बलिदानाची,
किती किती वर्णावी महती
त्या अनाम स्वातंत्र्यवीरांची...
----श्वेता देव
