Author Topic: एवढीच मागणी  (Read 1219 times)

Offline amoul

  • Full Member
  • ***
  • Posts: 654
  • Gender: Male
  • tAKE iT eASY
एवढीच मागणी
« on: November 25, 2011, 01:15:41 PM »
  तुझ्या  दारी  उभा तुझाच  मी  कोणी,
रिते  हात  घेऊन  थकल्या  पायांनी.
जेव्हा  कोणी  नाही  आधार  जीवाला,
आठवतो  तू  आपोआप  मनोमनी.
देऊ  नको  काही  मी  मागत  हि नाही,
सोबत  रहा  फक्त एवढीच  मागणी.
एकटाच  झेलीन  हसतमुखाने,
सांगणार  नाही कधी दुखले  म्हणुनी.
थकेन  जेव्हा  हे आवरताना सारं,
बसेन  दोन  क्षण  तुझ्या  पायाशी  येउनी.
जरी  विसरलो  नाव  जपायला,
दाखवशील  ना  रूप  मिटताना  पापणी ?
माझे  अश्रू  पुसायला  नकोस  येऊ,
हलकं  होऊ  दे  मला थोडसं रडूनी.
नाही  दारात  उभा  तू  देवबीव  म्हणुनी,
सारं  मनातलं  मांडतो  सखा  समजुनी.
माझी  श्रद्धा  तुझ्यावर  जरी  असली,
नाही  होणार मोकळा  भार तुझ्यावर टाकुनी.
मी शिश झुकवून  दोन्ही  हात जुळवुनी,
हसायला  शिकीन विसरून  रडगाणी.
      ...........  अमोल

Marathi Kavita : मराठी कविता

एवढीच मागणी
« on: November 25, 2011, 01:15:41 PM »

Download Free Marathi Kavita Android app

Join Marathi Kavita on Facebook

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
नाऊ वजा एक किती ? (answer in English number):