Author Topic: माझी गाणी: डोहाळे  (Read 804 times)

Offline prasad26

  • Jr. Member
  • **
  • Posts: 103
माझी गाणी: डोहाळे
« on: March 15, 2012, 04:17:01 PM »
सोहळा हा माझा डोहाळे पुरवायला
सयांनो मी निघाले ग माहेराला

हिरवी चोळी हिरवी साडी
भरली फुलांची ग वाडी
सासू आली माझी ओटी भरायला
सयांनो मी निघाले ग माहेराला

गालावर लाली नाही
पांढरे ग ओठ बाई
आळस हा अतिशय अंगात ग भरला
सयांनो मी निघाले ग माहेराला

भजी केली घोसाळ्याची
कोशिंबीर ती कांद्याची
मोतीचूर पंगतीला ग वाढीला
सयांनो मी निघाले ग माहेराला

आप्त इष्ट सारे जमती
आनंदे कौतुक करिती
अंबेच्या कृपेने सोनियाचा दिस दिसला
सयांनो मी निघाले ग माहेराला

---प्रसाद शुक्ल

Marathi Kavita : मराठी कविता