Author Topic: परदेशस्थाचं मनोगत  (Read 473 times)

Offline madhura

  • Jr. Member
  • **
  • Posts: 271
  • Gender: Female
  • I am Simple
परदेशस्थाचं मनोगत
« on: May 01, 2012, 08:42:16 PM »



गांव सोडुनी शहरी आलो
झालो केवळ अन पोटार्थी
परंतु जेव्हा देश बदलला
होउ लागली इच्छापूर्ती

का नाकारु? इथे लाभली
आयुष्याला अवीट गोडी
स्थावरता अन सुरक्षितता
साचत गेली...थोडी...थोडी...

भले आठवे घाट भंगला
...आणि वांत ती माजघरातिल
परंतु वाटे बरी स्वच्छता
शरिरांची अन मनामनांतील

सण थोडे अन थोडे उत्सव
सदैव परके... हे ही वास्तव
स्वदेशात ना लाभे सुख जे
यावे लागे येथे त्यास्तव

मर्ढेकर, कुसुमाग्रज म्हणती
काही वंचना होई तैशी
मध्यमवर्गिय निम्न मात्र मी
कौटुंबिकता विसरू कैशी?

हा ही माझा, तो ही माझा
देश तसे हे दोन्ही माझे
परदेशातिल स्थायिकतेचे
का वाटावे उगाच ओझे?

- निलेश पंडित

Marathi Kavita : मराठी कविता


smita789

  • Guest
Re: परदेशस्थाचं मनोगत
« Reply #1 on: May 02, 2012, 09:07:41 AM »
Faarach surekh kavitaa aahe.

Offline केदार मेहेंदळे

  • Hero Member
  • *****
  • Posts: 2,674
  • Gender: Male
  • मला कविता शिकयाचीय ...
Re: परदेशस्थाचं मनोगत
« Reply #2 on: May 02, 2012, 10:49:28 AM »
हा ही माझा, तो ही माझा
देश तसे हे दोन्ही माझे
परदेशातिल स्थायिकतेचे
का वाटावे उगाच ओझे?



 
khup chan  ani yogy vichar aahe.