Author Topic: अनेकदा  (Read 506 times)

Offline janki.das

  • Jr. Member
  • **
  • Posts: 76
अनेकदा
« on: May 07, 2012, 05:36:54 PM »
जसे दिसे ते तसेच नसते अनेकदा
कळूनही मी बळेच फसते अनेकदा

कधी कधी काळजात खुपतात चांदण्या
मुकी काळीही फुलून डसते अनेकदा

मला हव्या त्या सुरांत नसले तरी कसे
तुझेच गाणे मनात वसते अनेकदा?

बरे नव्हे हे अखंड कवितेत गुंतणे
मनात येती विचार नसते अनेकदा

हवेहवेसे कधी न सहजी मिळायचे,
नको नको ते कसे गवसते अनेकदा?

न मानणे हा गुन्हाच ठरतो खरोखरी
तुझी विनंती हुकूम असते अनेकदा

-- क्रांति साडेकर

Marathi Kavita : मराठी कविता