Author Topic: प-या सारखा चेहरा शिल्पा सारख शरीर  (Read 629 times)

Offline विक्रांत

  • Hero Member
  • *****
  • Posts: 1,550
प-या सारखा चेहरा
शिल्पा सारख शरीर
यांचा जेव्हा होतो
बुभुक्षिता साठी बाजार
अभिरुचिचे तेव्हा कोसळतात
दिमाखदार झुम्बर

रेखीव चेह-यावर
अन कमनिय देहावर
जेव्हा होतात प्रहार
शब्दांचे, नजरेचे, स्पर्शांचे
असभ्य आणि असंस्कृत
तेव्हा अस वाटत
हे लोक  का थुंकतात
असे गुलाबावर

नितळ सुंदर चेहरा
अन तसच सुंदर
शरीर पाहिल्यावर
मनात उठावी वाहवा
अन असा आनंद व्हावा
की अश्रू जमावेत
डोळ्याच्या कडावर

सुंदरतेतील सत्य
सुंदरतेतील शिवत्व
झेलुन आपल्या अस्तित्वावर
रसिकतेने करावे
प्रेम त्या रूपावर
अन अरुपावरही .

विक्रांत 
http://kavitesathikavita.blogspot.com

Marathi Kavita : मराठी कविता


Offline केदार मेहेंदळे

  • Hero Member
  • *****
  • Posts: 2,674
  • Gender: Male
  • मला कविता शिकयाचीय ...