Author Topic: घरात बापाचा दबदबा पाहीजे ...!!  (Read 1246 times)

Offline कवि । डी.....

  • Jr. Member
  • **
  • Posts: 165
  • Gender: Male
  • कवितेसाठी जन्म आपुला
घरात  बापाचा  दबदबा  पाहीजे
चाहूल  होताच  येण्याची  बापाची
घरात  शांतता  झाली  पाहिजे
त्याशिवाय  घराला  शिस्त लागत  नाही ...!!

घरात  बापाचा  दबदबा  पाहीजे
स्वतः  हसण   बापानं  विसरल  पाहिजे
घरात  बापाची  आदरयुक्त   भीती  पाहिजे
त्याशिवाय   घराला  वळणं  लागत  नाही ...!!

घरात  बापाचा   दबदबा   पाहीजे
स्वतः   नियमाचे  पालन   केले  पाहिजे
मगच   दुसर्‍याला   सांगितले  पाहिजे
त्याशिवाय   घराला   संस्कार  लागत  नाही ...!!

घरात   बापाचा  दबदबा   पाहीजे
स्वतः  कमवून   दुसर्‍याला  सांगितले  पाहिजे
खर्चावर  त्याच  नियंत्रण   पाहिजे
त्याशिवाय   घराला  मुल्य  कळत  नाही ...!!

घरात   बापाचा  दबदबा  पाहीजे
मोजून   शब्द  बोलला   पाहिजे
टंगळमंगळ   त्यानं   थांबवली  पाहिजे
त्याशिवाय   शब्दाला   किंमत  येत  नाही ...!!



                । कवि-डी ।
                  स्वलिखीत
                 दि.  28. 04.14
                 वेळ. दुपारी . 04 .34