Marathi Kavita : मराठी कविता

ऐ ताई....


या वर्षीच्या राखीला तरी, येशील ना गं ताई,
आजच मस्त साडी आणली, घेशील ना गं ताई..

ही नाही आवडली तर, तुझ्या पसंतीची घेऊ,
प्रॉमिस! शॉपिंगला आपण सोबतच जाऊ..

ओवाळणीत सांग ना गं, तुला काय देऊ ताई,
खूप झाला अबोला, आता बस कर गं बाई..

राखीच्या दिवशी, हाताला राखी नसते,
प्रत्येकाच्या राखीत, तुझाच चेहरा दिसते..

दिवाळीचा दिवस, खाण्यात जसा तसा जाते
भाऊबीजेची तेवढी अक्षद, फार त्रास देते..

टॉम आणि जेरी सारखी,लहानपणी भांडायची,
बाबांकडून चॉकलेट साठी,पैसेही काढून द्यायची..

खूप दिवस झाले गं, भाचीला पाहिलच नाही,
हृदय भरून आलं, आज रहावलचं नाही..

वाट पाहीन तुझी, सरप्राईज तरी दे,
 पण यंदाच्या राखीला, ताई तू नक्की ये..
 

   राजेश शेषराव पोफारे
सेंदरी, त. देवळी जि. वर्धा
      9307010387

__ राजाच बारसं ___

माझ्या आई बाबांचं तिसरं आणि विचित्र लेकरू.
बिना तयारीनेच झाला बरं ह्यो राजा!
 पहिला मुलगा, दुसरी मुलगी, 'हम दो हमारे दो' असा परिवार पूर्ण झाला असतानाही आम्हाला जन्माला यायचंच होतं.
खूप प्रयत्न मला थांबवण्याचे
 पण शेवटी आम्ही आलोच. हट्टीपणा जन्मताच असतो तो असा! पण अश्या न ठरविता झालेल्या  लेकरांचे सर्वात जास्त लाडक्या असतात,मी तर प्रचंड लाडका माझ्या बाबांचा!
 
माझ्या जन्मानंतर बरेच दिवस, माझं नाव ठेवलं नव्हतं!
बारसं वगैरेचे लाड आधीच्या दोन लेकराच्या बारशात करून झाले होते आणि माझ्या जन्माच्या वेळेस बाबा जवळ काम नव्हते, घरची परिस्थिती म्हणजे फार गौतम गंभीरच, जास्त खर्च नको म्हणून हौसेला आळा घातला. अर्थात त्यांच मला काय कळणार होतं? पुढे मोठा झाल्यावर जेव्हा समजलं तेव्हा वाईट नाही वाटलं उलट बरंच वाटलं, एक नाव ठेवण्यासाठी कश्याला उगाच एवढा खर्च आणि एवढी सर्कस कराची. नाही तरी मोठं होऊन ज्याला त्याला आपलं नाव स्वतः कमवावच लागतं आणि मग बाकी दुनिया असतेच की नावं ठेवायला मग त्यासाठी आधीच कश्याला खर्च करायचा?
तर, एक दिवस मला बरं नव्हतं म्हणून माझ्या आईने आणि आत्याने मला विजयगोपाल ग्रामीण रुग्णालयात दाखवायला नेल माझा जन्म ही त्याच रुग्णालयात झाला होता.
डॉक्टर म्हणे नाव काय ठेवलं? आई म्हणाली अजून ठेवलं नाही. डॉक्टर म्हणाले मग हे पण मीच करतो, आई हसुन म्हणाली हो तुम्हीच ठेवा त्याचं नाव,
तसं नाव अक्षर 'रा' आलंय.
लहान बाळांची त्वचा तशी खूप गोरी असते, माझी जरा जास्तच होती म्हणे, आता आहे त्यापेक्षा आणखी एक दोन शेड गर्द झाला.
मग मला इंजेक्शन टोचून झाल्यावर डॉक्टर म्हणाले, अरे वाह, जरा ही रडला नाही हा. आजपासून हा आपला 'राजा'.
डॉक्टरांच्या तपासणीच्या एवढूश्या खोलीत, एका ट्यूबलाइट च्या उजेडात, औषधांच्या वासाच्या वातावरणात,  लेदर कवर असलेल्या बेड वर मला ठेऊन माझं नाव ठेवलं गेलं होत,अस माझं बारसं झालं!

"हे सगळं माझ्या आज्जीने मला सांगितल होत म्हणुन मी तुम्हाला सांगु शकत आहे,"...
 डॉक्टर म्हणाले राजा म्हणजे, प्रत्येक मनावर राज्य करणारा असेल हा, __राजा!


आता या राजाचे किती फायदे आहे हे मी वेगळं काय सांगू, आणि किती नुकसान आहे ते तुम्ही पण नका सांगू..   ___तुमचाच राजा


   राजेश शेषराव पोफारे
        पुलगाव, वर्धा
      9307010387

 

  देश कुछ ही देर
शहीदों पर रोता है,
बस दो ही दिन
आझादी का
एहसास होता है..

फ़िर वो सुबह आयेगी
जब इंकलाब याद रहे,
जान हमेशा कुर्बान है
बस वतन आबाद रहे..

   राजेश पोफारे
   पुलगाव, वर्धा
9307010387