शब्द माझे स्वर तुझे गीत माझे गाशील का
शब्द माझे स्वर तुझे गीत माझे गाशील का
सांग तू माझी होशील का ?
बघता बघता दिवस गेले दिवस जाता वर्ष संपले
आता तरी मज प्रेमाला वाव तू देशील का
संगीताला शब्द माझ्या सांग तू देशील का
सांग तू माझी होशील का ?
काय सांगू कोण तू माझी प्रिय मला तू सर्वोपरी
वाट बघतो आजही तुझी सांग तुला जाणवते का
गोड्स्वर मज गीताला सांग ना आता देशील का
सांग तू माझी होशील का ?
वाटतं तुला सोबत न्यावं काहीतरी गोड बोलावं
शब्द माझे ऐकशील का सांग तू उद्या येशील का
मी बनविल्या गजलाला आलाप तू देशील का
सांग तू माझी होशील का ?
शब्द माझे स्वर तुझे गीत माझे गाशील का
रंगभूमीवर या प्रेमाच्या माझी तू होशील का
विखरलेल्या स्वप्नांना आनंदाने जपशील का
सांग तू माझी होशील का ?
-------------*****----------------
शशिकांत शांडीले (SD), नागपूर
भ्रमणध्वनी - ९९७५९९५४५०
दि. ०३/०९/२०१५
