Author Topic: प्रेम शोध  (Read 1678 times)

Offline विक्रांत

  • Hero Member
  • *****
  • Posts: 1,550
प्रेम शोध
« on: June 01, 2014, 02:00:47 PM »
एक धागा तुटताच
दुसरा जोडू पाहतो
माणूस इथे एकटा
का कधी राहू शकतो

माणसाला स्पर्श हवा
शब्द हवे प्रेम हवे
सोबतीला जीवनात
उबदार सौख्य हवे

स्मृतींच्या दग्ध महाली
वेदनांची भग्न गाणी
सोडुनिया जावे त्यांना
स्वागतशील अंगणी

नवी प्रीत नवी गीत
यात नसे प्रतारणा
सुख शोध घेत जाणे
जीवनाची आराधना

प्रेमासाठी जगायचे
प्रेमामध्ये जगायचे
भेटत नाही तोवर   
शोधतच राहायचे

जगणे हाच असतो 
जीवनाचा अर्थ खरा
उधळूनी जन्म जग
त्याच्या मिठीमध्ये जरा

विक्रांत प्रभाकर
« Last Edit: June 14, 2014, 03:34:50 PM by MK ADMIN »

Marathi Kavita : मराठी कविता