Author Topic: एक मोह सावळासा  (Read 1240 times)

Offline विक्रांत

  • Hero Member
  • *****
  • Posts: 1,550
एक मोह सावळासा
« on: June 13, 2014, 08:25:45 PM »
एक मोह सावळासा 
माझ्या मनात दाटला
रे नभा सांभाळ मला
करून मज सावळा

तीच वेणू गात्रातून
आज पुन्हा सुरावते
प्रिय सखी दूर कोठे
वाट माझीच पाहते

जरा हासता मुग्धशी
ताऱ्यास जाग आणते
आणि वेडे भान माझे
दशदिशात धावते
 
काहीतरी बोलतांना
काही तरी होत होते
मोरपीस डोळ्यावरी
कानी तेच गीत येते

प्राणातील हाक ओठी   
हाकेमध्ये प्राण माझे 
कडाडणाऱ्या विजेचे
भोवताली लोळ भाजे

तीच करुणा सावळी
अन बेभान बिजली
पडू दे हृदयावरी
आग अनावर ओली 

विक्रांत प्रभाकर
   
 
 
« Last Edit: June 14, 2014, 03:31:19 PM by MK ADMIN »

Marathi Kavita : मराठी कविता