Author Topic: काही गोष्टी..  (Read 1438 times)

Offline Rohit Dhage

  • Jr. Member
  • **
  • Posts: 221
  • Gender: Male
  • Show me the meaning of being lonely....
काही गोष्टी..
« on: January 10, 2015, 12:32:30 PM »
मुसळधार पाऊस.. तसा कमी झालाय
आकाशातील ढगही विरळ केव्हाच झालेत
कधीकाळचं घोंगावलेलं..  रानभर पांगलेलं वादळ
आता शांत झालंय..
लोक दिनचर्येत आलेत.. वाहने रस्त्यांवर आहेत
सगळं आता कसं आलबेल आहे
जसं ते या वादळापूर्वीही होतं..
विसरत चाललाय प्रत्येकजण
दीर्घ अनुभवातला एक एक क्षण
कि काहीतरी जुनं होऊन गेलंय या नगरीत
कुणी या पावसात मनसोक्त भिजलंय
तर कुणी आडोसा घेऊन थांबलंय
कुणाला आठवायच्याही नाहीयेत या गोष्टी
परत ती जुनी वेळ झुरवायची नाहीये
भलेही अभिनव का करावा लागेल मग
पण कसं असता ना.. नाही लपवता येत प्रत्येकालाच अश्या गोष्टी
लपवलं जरी तरी परीक्षा पाहतात या गोष्टी
पावसात भिजून कोरडे असल्याचा अभिनय
नाही जमत प्रत्येकालाच..
दिसतात काही गोष्टी डोळ्यातूनही
फक्त जरा खोलवर पाहण्याची परवानगी मिळावी..
आणि करावा मग लोकांनीही स्वीकार
कि आहे प्रेम कुणा वेड्याचं ह्या पावसावर
त्याने वेळ दिलाय ह्या पावसाला
थोडा वेळ तर लागेलच ना..
आणि नाहीच जमलं त्या वेड्याला असं  विसरणं
तर सोडून द्यावं मग त्याला त्याच्याच नशिबी ..
तो झुरेल एकटाच.. त्याच्यापुरतं समाधान त्याचं त्यालाच
कराव्यात लोकांनीही मंजूर
कधी असल्याही गोष्टी
असतात कुणी वेडे
कधी शहाण्यांच्याही नगरी
 
- रोहित
 
« Last Edit: January 10, 2015, 12:33:45 PM by Rohit Dhage »

Marathi Kavita : मराठी कविता

काही गोष्टी..
« on: January 10, 2015, 12:32:30 PM »

Download Free Marathi Kavita Android app

Join Marathi Kavita on Facebook

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
दहा गुणिले नाऊ  किती ? (answer in English number):