Author Topic: प्रेमभंग अर्थात... प्रेमाचा अभंग  (Read 1263 times)

Offline niteshk

  • Newbie
  • *
  • Posts: 41
  • Gender: Male
प्रेमभंग अर्थात... प्रेमाचा अभंग

जीव होई कासावीस | मैत्रीसाठी खास |
असे पहिले काही दिस | Collageचे |

ओळख नाही फार | तरी आले पुढे वीर |
गर्दी केली थोडीफार | Groupसाठी |

वाहे मैत्रीचे वारे ! वाटे सगळे न्यारे !
साही एकमेकांचे तह्रे ! मैत्री पायी !

मैत्री झाली दृढ | त्यास आपुलकीचा बुड |
वाढत जाई ओढ | सर्व मित्रांची |

त्यातले ते दोघे | सदा एकमेका बघे |
चक्र चाले वेगे | मनी त्यांच्या |
 
जाणून तिचा भाव | त्याने मांडला प्रस्ताव |
नात्यास द्यावा वाव | पुढे जाण्या |

तिच्याही मनी होते | जोडावे नवे नातेगोते |
पहावे विश्व मोठे | संगे त्याच्या |

होती सोबतीची आस | दावूनिया विश्वास |
सुरू झाला हा प्रवास | प्रितीचा |

जग वाटे नवे | सारे चांगलेच भावे |
मनात ऊडे थवे | नव्या कल्पनांचे |
           
झाले हिंडून फिरून | रूसवे फुगवे काढून |
लाडिगोडी लावून | एकमेकांना |

मग झाली सुरूवात | आणी एकमेका वात |
असे छोटीशी जरी बात | भांडण्याची |

विनाकारण भांडणे | मग अबोला धरणे |
माफी शेवटी मागणे | झाले नित्याचे |

त्याला अक्कलच नाही | बडबडे काहिबाही |
तिला पाण्यातच पाही | तिच्या मते |

ती possessiveच नाही | तिला काही वाटत नाही |
भांडे करून वर बाही | असे तो म्हणे |

मग आला एक विचार | झाले आता फार !
नाही उरला आधार | त्यांच्या नात्यास |

त्यांनी घेतली फारकत | ना कोणाची हरकत |
ना टिपुस गाळत | ते वेगळे जाहले |

काही दिवस गेले दुःखात | अन्न राहिना मुखात |
आवेग साठला मनात | दोघांच्याही |

यावर ठरली समेट | झाली एक भेट |
मांडले विचार थेट | दोघांनी |

शेवटी तोडगा निघाला | दोघांच्या पसंतीस आला |
मार्ग मोकळा झाला | नव्या मैत्रीचा |

प्रेम काही जमेना | तुझ्याविना करमेना |
पर्याय दुजा उरेना | मैत्रीविना |

किती वळणे घेतली | तरी पुन्हा तेथेचि आली |
का एवढी दुःखे सोसली | अनोळखी म्हणे |

मैत्रीतील प्रेमाची आस | प्रेमातील मैत्रीचा भास |
असा आगळा प्रवास | जाहला संपूर्ण |

स्वलिखित...

Marathi Kavita : मराठी कविता


Bharati123

  • Guest

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
पाच अधिक नाऊ अधिक शून्यं  किती ? (answer in English number):