Author Topic: दुष्काळाच्या झळा  (Read 541 times)

Offline sagar dubhalkar

  • Newbie
  • *
  • Posts: 45
दुष्काळाच्या झळा
« on: September 18, 2015, 06:19:19 PM »
  दुष्काळाच्या झळा

दुष्काळाच्या ह्या झळा
सोसू कश्या बाळा
लागूदे थोडा डोळा
अतातरी.

पायपीट खुप झाली
ही काया थकून गेली
कोणी राहिला ना वाली
आपल्याला.

पश्चात्ताप बहू केले
पण कोणी पहाया न आले
आता डोळे झाले ओले
बिनपाण्याचे.

आतातरी येऊद्यारे
येऊद्या थोडी माया
धरा शिरावर कोणी छाया
आतातरी.

कशी जिंदगी ही झाली
पोट पाठीला टेकली
का धरणीही लोपली
आमच्यासाठी

नको करू रे बाळा
असाआरडा ओरडा
गळा पडेल कोरडा
पाण्याविना.

- सागर दुभळकर
9604084846
« Last Edit: September 18, 2015, 06:20:47 PM by sagar dubhalkar »

Marathi Kavita : मराठी कविता