Author Topic: भास पाचूचा  (Read 911 times)

Offline विक्रांत

  • Hero Member
  • *****
  • Posts: 1,550
भास पाचूचा
« on: September 28, 2015, 10:37:10 PM »


देहामध्ये मुरलेला
स्पर्श रेशमी कुणाचा
डोळयामध्ये भिनलेला 
रंग सावळा कुणाचा

मनामध्ये रुंजणारा
भास पाचूचा कुणाचा
कानामध्ये गुंजणारा
शब्द कोवळा कुणाचा

व्यापुनि तनामनाला
गंध उरला कुणाचा
प्राणात कोंडुनी श्वास
प्रश्वास धुंडे कुणाचा

पुन:पुन्हा शोधितो मी
तोच चेहरा कुणाचा
आभाळ शून्य मोकळे
स्पंद जाणवे कुणाचा

मिटताच डोळे मीच   
होतो नकळे कुणाचा
लक्ष लाटा सर्वागात
पार लागे ना कुणाचा

विक्रांत प्रभाकर
http://kavitesathikavita.blogspot.in/





Marathi Kavita : मराठी कविता


sagar jadhav

  • Guest
Re: भास पाचूचा
« Reply #1 on: September 28, 2015, 10:57:38 PM »
10*10=100