Author Topic: प्रेम  (Read 1119 times)

Offline indradhanu

  • Newbie
  • *
  • Posts: 33
  • Gender: Male
प्रेम
« on: March 03, 2010, 01:11:08 AM »
जीवनाच्या नाजूक वळणावर
भावनांचा प्रत्यय येतो
प्रत्येकाच्या आयुष्यात
प्रेमाच्या इंद्रधनुचा उदय होतो......

प्रेम म्हणजे
भावनेच्या आकाशात मारलेली
उत्तुंग भरारी असते,
स्वताच्या नकळतच
ह्रदय फरारी असते....

प्रेमात हवी असते एक नजर-भेट
स्वप्नांचे झोके झुलण्यासाठी,
आणि अवचितच स्मित हास्य
अक्षतांचे चांदणे झेलण्यासाठी .....

प्रेम म्हणजे
हृदयाचे वाढणारे ठोके,
प्रेम  म्हणजे
रात्री झुलणारे स्वप्नांचे झोके.....

प्रेम हे भावनांचे असे आकाश आहे
ज्याला कुठेच अंत नाही,
प्राण गेला...तरी त्याची मनाला खंत नाही....

प्रेम हि भावनांची ठिणगी आहे
जी हृदयात पेट घेते,
जीवनाच्या  त्या वळणावर
अविस्मरणीय आठवणींची भेट देते....

प्रेम हे कधीच कुणाला चुकले नाही
असे एकही हृदय नाही
ज्यात प्रेमाचे चांदणे
लुकलुकले नाही....

प्रेमात संभाषणाचा भार
डोळे पेलत असतात,
ओठ जरी स्थिर राहिले
डोळे मात्र बोलत असतात....

प्रेम ह्या दोन शब्दातच
जीवनाचा खरा अर्थ दडला आहे,
तो अर्थ शोधण्यासाठीच तर
एक जीव दुसऱ्यावर जडला आहे.....

प्रेम हा शब्द उच्चारताना
मनाला हर्ष होतो,
दोन ओठांचाही 
एकमेकाना स्पर्श होतो....

खरे प्रेम एकदाच होते
जे कधी विसरता येत नाही,
सुंदर हळव्या भावनांचे आकाश
अनेकांवर पसरता येत नाही..                                                           
                                -- Unknown

Marathi Kavita : मराठी कविता

प्रेम
« on: March 03, 2010, 01:11:08 AM »

Download Free Marathi Kavita Android app

Join Marathi Kavita on Facebook

Offline nalini

  • Jr. Member
  • **
  • Posts: 94
Re: प्रेम
« Reply #1 on: March 05, 2010, 10:42:00 AM »
"प्रेम ह्या दोन शब्दातच
जीवनाचा खरा अर्थ दडला आहे,
तो अर्थ शोधण्यासाठीच तर
एक जीव दुसऱ्यावर जडला आहे....".

"खरे प्रेम एकदाच होते
जे कधी विसरता येत नाही,
सुंदर हळव्या भावनांचे आकाश
अनेकांवर पसरता येत नाही..   "
 
apratim

 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
दहा गुणिले नाऊ  किती ? (answer in English number):