मैत्री कि प्रेम
कधी कधी वाटतो फक्त एक गेम
मित्र म्हणून माझ्या सर्व थट्टा कबुल करतेस
पण माझ प्रेम जाणवताच मागे का सरतेस
मित्र म्हणून मला सर्व सांगायला तयार असतेस
मग प्रेम माझ्यावरच माझ्यापासूनच का लपवतेस
कसली भीती आहे तुला आपल्या नात्यामध्ये
प्रियकर का नको तुला एका मित्रामध्ये
मित्र म्हणून सांग मी किती दिवस वाट पाहू
तुला मिठीत घेऊन रडण्यास आसुसलेत माझे बाहू
"तुझीच मी" या शब्दांची वाट पाहतो
एकदा तरी तुला विचारेन म्हणतो
वाटते भीती मी जर पुढे आलो
मित्राची काही बंधन विसरलो
तर आपण पुन्हा असू सोबत का?
मी एक चांगला मित्र नि जीवनसाथी होऊ शकतो का?
पण नको मी वाट पाहीन तुझ्या एका इशाऱ्याची
करून घेऊन सवय मी आतल्या आत जुरण्याची
कारण तू मित्र मानलस तरी चालेल मला
जेणेकरून तुझ्यासोबत असण्याचा एक बहाणा तरी मिळेल मला
संध्या पगारे
