जेव्हा कधी कुणी आवडून जातो
जेव्हा कधी कुणी आवडून जातो
प्रेमाचा तीर हृदय छेदून जातो
जगात फक्त दोघंच असल्याचा भास होतो
तिच्या येण्याचा असा काही गोड त्रास होतो
उंचच उंच पाळण्यावरचा हर्ष होतो
तिच्या येण्याच्या वाटेकडे डोळे गुंतून जातात
वर्षानुवर्षे धूळ खात पडलेलं हृदयसिंहासन
झटकून साफ होतो!
तिच्या येण्याचा असा काही गोड त्रास होतो
जेव्हा कधी कुणी आवडून जातो
रुक्ष माळरानावर श्रावण बरसून जातो
भिरभिरणारे डोळे स्वप्ने गुंफू लागतात
कोऱ्या आकाशी चांदण्या शिंपून जातात
जेव्हा कधी कुणी आवडून जातो
असा काही गोड त्रास होऊन जातो
- रोहित
