Author Topic: तुझ्या काही आठवणी..  (Read 2498 times)

Offline Rohit Dhage

  • Jr. Member
  • **
  • Posts: 221
  • Gender: Male
  • Show me the meaning of being lonely....
तुझ्या काही आठवणी..
« on: December 03, 2011, 03:41:25 PM »
तुला पाहिलं की आठवतं मला
श्रीमंत मिडास राजाची ती राजकुमारी
तीसुद्धा बहुधा तुझ्यासारखीच दिसली असावी
अंगाची लव ना लव सोन्याने बहरणारी
 
तुला पाहिलं की आठवण येते मला
भरती आलेल्या सागरातील तुफानी वादळाची
तो सागरही बहुधा तुझ्यासारखाच दिसला असावा
आसुसतो जो चांदण्यात, शपथ आहे भेटीची
 
तुला पाहिलं की आठवण येते मला
पाण्याने शिंपलेल्या कोवळ्या लाल गुलाबाची
तो गुलाबही तुझ्यासारखाच दिसला असावा
ओठांवरती बरसणारी ओढ खुळ्या पावसाची
 
तुला पाहिलं की आठवण येते मला
नेहमीच डोळे मिटलेल्या हसऱ्या बुद्धाची
तो बुद्धही तुझ्यासारखाच दिसला असावा
न मागूनही मिळालेली सर स्वर्गसुखाची
 
तुला पाहिलं की आठवण येते मला
परींच्या राज्यात स्वच्छंदी बागडणाऱ्या पाखराची
ते पाखरुही तुझ्यासारखाच दिसलं असावा
सगळं मिळूनही नूर काहीच न मिळाल्याची
 
तुला पाहिलं की आठवण येते मला
पालापाचोळयांनी माखलेल्या दूरवर गेलेल्या रस्त्याची
त्यावरील वाटसरू माझ्यासारखाच दिसला असावा
एकटाच थांबून वाट पाहणाऱ्या एका सोबतीची
-रोहित
« Last Edit: December 04, 2011, 12:08:09 AM by Rohit Dhage »

Marathi Kavita : मराठी कविता