Author Topic: मिठी  (Read 2283 times)

Offline umesh kothikar

  • Newbie
  • *
  • Posts: 32
मिठी
« on: February 29, 2012, 12:49:59 AM »
गतजन्मातून नवजन्माची
मिठी मला दे तुझ्यात राहून
आयुष्याच्या मिठीत ये तू
पुन्हा घेउ दे तुझ्यात न्हाउन

अलगद, अलगद मी ओघळते
मिठीत घेता, कसे तुझ्यावर
हलके हलके गंध फुलांचा
जसा विखरतो या श्वासांवर

कसे मी सांगू? मिठी तुझी ही
रिमझिम रिमझिम अनुभव देते
एकांतातून तूच तूच अन
मीच मला का मिठीत घेते?

मिठी; जीवांचे अतूट बंधन
हृदयाला हे हृदय भेटते
माझ्यामधल्या अव्यक्तातून
व्यक्त होऊनी तुझ्यात येते

जातांना तू मिठीत काही
माझ्यामधले नकळत न्यावे
दूर किती असलास तरी तू
अंतर अपुले मिठीत घ्यावे


Marathi Kavita : मराठी कविता


Offline केदार मेहेंदळे

  • Hero Member
  • *****
  • Posts: 2,674
  • Gender: Male
  • मला कविता शिकयाचीय ...
Re: मिठी
« Reply #1 on: February 29, 2012, 12:25:03 PM »
khup chan..

Offline shashaank

  • Full Member
  • ***
  • Posts: 558
  • Gender: Male
Re: मिठी
« Reply #2 on: March 01, 2012, 10:40:24 AM »
Vow, greSSSSSSSSt........