Author Topic: "नवरात्रोत्सव"-दिवस दुसरा-आदिमाया अंबाबाई भक्ती गीत  (Read 100 times)

Offline Atul Kaviraje

  • Hero Member
  • *****
  • Posts: 1,761
                                         "नवरात्रोत्सव"
                                          दिवस दुसरा
                                           रंग  हिरवा
                                        --------------
                                             
                                 
मित्र/मैत्रिणींनो,

     दिनांक-०७.१०.२०२१-गुरुवार पासून नवरात्रोत्सव सुरु झाला  आहे. आज दिनांक -०८ .१० .२०२१ -शुक्रवार ,नवरात्रीचा दुसरा दिवस आहे.  मराठी कवितेतील माझ्या सर्व कवी-कवयित्री भाऊ-बहिणींस, नवरात्रीच्या अनेक हार्दिक शुभेच्छा. देवीस नमन करून मी माझ्या आजच्या देवी-स्तवनास  सुरुवात करतो. आज नवरात्रीचा  दुसरा दिवस आहे.आज ऐकुया, आदिमाया अंबाबाईचे भक्ती-गान. या भक्ती-गीताचे बोल आहेत- "आदिमाया अंबाबाई, सार्‍या दुनियेची आई" (आजच्या दिवसाचा रंग हिरवा आहे.)--


                                 आदिमाया अंबाबाई भक्ती गीत
                           "आदिमाया अंबाबाई, सार्‍या दुनियेची आई"
                          ---------------------------------------


आदिमाया अंबाबाई, सार्‍या दुनियेची आई
तिच्या एका दर्शनात कोटी जन्मांची पुण्याई.

उदे ग अंबाबाई, उदे ग अंबाबाई
हे उदे ग अंबाबाई, आई उदे ग अंबाबाई.

सार्‍या चराचरीं तीच जीवा संजीवनी देते
तीच संहारप्रहरीं दैत्य-दानव मारीते
उग्रचंडी रूपाआड झरा वात्सल्याचा गाई.
आदिमाया अंबाबाई, सार्‍या दुनियेची आई.

क्षेत्र नामवंत एक त्याचे नाव कोल्हापूर
अगणित खांबावरी उभे राहिले मंदिर
नाना देव ते भोवती देवी मधोमध राही.
आदिमाया अंबाबाई, सार्‍या दुनियेची आई.

तुळजापूरीची भवानी जणु मूळ आदिशक्ती
घोर आघात प्रहार तिने पचविले पोटी
स्वत: तरली, भक्तांना स्वयें तारुनिया नेई.
आदिमाया अंबाबाई, सार्‍या दुनियेची आई.

अमरावतीची देवता शाश्वत, अमर
अंबेजोगाईत तिने एक मांडियले घर
मुंबापुरीच्या गर्दीला दान चैतन्याचे देई.
आदिमाया अंबाबाई, सार्‍या दुनियेची आई.

कुणी म्हणती चंडिका, कुणी म्हणती भवानी
दुर्गा दुर्घट यमाई, अंबा असुरमर्दिनी
किती रूपें, किती नावें परि तेज एक वाहीं.
आदिमाया अंबाबाई, सार्‍या दुनियेची आई.

=============
गीत – सुधीर मोघे
संगीत – सुधीर फडके
स्वर – आशा भोसले
चित्रपट – थोरली जाऊ
=============


                   (साभार आणि सौजन्य-संदर्भ - मराठीलेख.कॉम)
                 --------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-08.10.2021-शुक्रवार.


 

With Quick-Reply you can write a post when viewing a topic without loading a new page. You can still use bulletin board code and smileys as you would in a normal post.

Name: Email:
Verification:
Type the letters shown in the picture
Listen to the letters / Request another image
Type the letters shown in the picture:
एकावन्न अधिक पाच किती ? (answer in English number):