Author Topic: असा बेभान हा वारा  (Read 941 times)

Offline tanu

  • Jr. Member
  • **
  • Posts: 99
असा बेभान हा वारा
« on: December 11, 2009, 11:39:10 PM »
गीतकार    :मंगेश पाडगांवकर
गायक    :लता मंगेशकर
संगीतकार    :पं. हृदयनाथ मंगेशकर

असा बेभान हा वारा, कुठे ही नाव मी नेऊ
नदीला पूर आलेला, कशी येऊ, कशी येऊ

जटा पिंजून या लाटा, विखारी झेप ही घेती
भिडे काळोख प्राणांना, दिशांचे भोवरे होती
जीवाचे फुल हे माझ्या, तुझ्या पायी कशी ठेवू

कुळाचे, लौकीकाचे मी क्षणी हे तोडीले धागे
बुडाले गाव ते आता, बुडाले नाव ही मागे
दिले हे दान दैवाने, करी माझ्या कशी ठेवू

जगाच्या क्रूर शापांचे, जिव्हारी झेलले भाले
तुझे सौभाग्य ल्याया हे, तुझी होऊन मी आले
तुझे तू घे उरी आता, किती मी हाक ही देऊ

Marathi Kavita : मराठी कविता