Author Topic: अंदाज आरश्याचा ...  (Read 3204 times)

अंदाज आरश्याचा ...
« on: May 03, 2012, 05:01:53 PM »

वाचलेली ऐकलेली माणसे गेली कुठे
पुस्तकातून पाहिलेली माणसे गेली कुठे

रोज अत्यचार होतो  आरश्यावरती  आता
आरश्याला भावलेली  माणसे गेली कुठे

अंदाज आरश्याचा वाटे खरा असावा
बहुतेक माणसाचा  तो चेहरा असावा ....!!

काठावरी  उतरली  स्वप्ने तहानलेली
डोळ्यात  वेदनेचा  माझ्या झरा असावा

अंदाज आरश्याचा वाटे खरा असावा....!!

जखमा कश्या सुगंधी  झाल्यात काळजाला
केलेत वर ज्याने तो मोगरा असावा

अंदाज आरश्याचा वाटे खरा असावा ....!!

माथ्यावरी नभाचे ओझे  सदा इलाही
दाही दिशा कशाच्या हा पिंजरा असावा

अंदाज आरश्याचा वाटे खरा असावा
बहुतेक माणसाचा तो चेहरा असावा ....!!

- भीमराव पांचाळ


Marathi Kavita : मराठी कविता


abhijit manchekar

  • Guest
Re: अंदाज आरश्याचा ...
« Reply #1 on: September 14, 2013, 01:12:24 PM »
ही गझल इलाही जमादारांची आहे का ?