जोगवा.
नमस्कार भाऊ,ओळखलत का ताई?
पाच वर्षात भेटायचा योगच आला नाही!
पुन्हा नशिबाचा कॊल मागावा म्हणतोय,
मतांसाठी तुमच्या दारोदार हिंडतोय!
सॊभाग्यवतीच स्वप्न लाल दिव्यात फिरतोय,
चिरंजिवासाठी बिअर बारच बघतोय!
दोघांच्या स्वप्नांसाठी निवडून यायचय,
सत्त्तेमधल सुख ते चाखून बघायचय!
सत्त्ता एकदा मिळाली की मागे बघणार नाही,
पाच वर्षात सात पिढ्यांच भल करायचय!
जागेचे भाव येथे भरमसाट वाढलेत,
कोट्यातल घर पदरात पाडून घ्यायचय!
गळफास घेणा-या बंधूंचे हाल बघवत नाही,
आत्महत्त्येसाठी सरळसोपं विष शोधायचय!
म्हणुन म्हणतो भाऊ विचार करा पक्का,
नावासमोरच बटण दाबून खुर्चीत बसवयाचय,
एकदाच मला हा जोगवा घाला तुम्ही ताई,
पाच वर्षे पुन्हा हा हात पसरणार नाही!
प्रल्हाद दुधाळ.
