Author Topic: घेवूनी येता चपाती बाजारातुनी  (Read 4303 times)

Offline विक्रांत

  • Hero Member
  • *****
  • Posts: 1,550
तुझेची नाव ओठी

तुझेची नाव पोटी

घेवूनी येता चपाती

बाजारातुनी

तुझ्या हातची भाकरी

तुझ्या हातची फोडणी

जीभेही येते गहिवरूनी

माझ्यासवे

भांडी ती सैपाकघरातली

गमती मज हिरमुसली

तुझ्याविना विरक्त झाली 

धूळ पांघरून

तो फ्रीज आतून रोडावला

माइक्रो बसून सुस्तावला

मिक्सर तर झोपला

केव्हापासून

ये तू ये लवकरी

कृपा कर माझ्यावरी

डाळभात भाजीभाकरी

देई प्रसाद

 

विक्रांत प्रभाकर

http://kavitesathikavita.blogspot.in/

Marathi Kavita : मराठी कविता


Offline केदार मेहेंदळे

  • Hero Member
  • *****
  • Posts: 2,674
  • Gender: Male
  • मला कविता शिकयाचीय ...
ha ha ha....