Author Topic: तुझं आणि माझं जमणार तरी कसं?  (Read 13123 times)

Offline Tushar Kher

  • Jr. Member
  • **
  • Posts: 78
  • Gender: Male
    • हिन्दी रचनाएँ
तुला लागतो चहा , मला लागते कॉफ़ी
तुला नाही आवडत मी ऊलटी घातलेली टोपी

तुला वाजते थंडी , मला होतं गरम
तू आहेस लाजाळू , मी अगदीच बेशरम

तुझं आणि माझं जमणार तरी कसं?

झोपतेस तू लवकर आणि उठतेस पहाटे
आवडत नाही तुला बॉक्सिंग आणि कराटे

मी मात्र झोपतो बाराच्या नंतर
रविवारी नसतं क्रिकेटशिवाय गत्यंतर

तुझं आणि माझं जमणार तरी कसं?

फ़िरायला आवडतं , आवडतं तुला शॉपिंग
कपड्यांबद्दल बोलतेस अगदी विदाऊट स्टॉपिंग

मला मात्र खरेदीचा येतो कंटाळा
कळत नाही रंग राखाडी आहे की काळा

तुझं आणि माझं जमणार तरी कसं?

घालतो मी शर्ट इस्त्री न करता
जाऊन येतो एकटाच इतरांच न ठरता

तू मात्र बघतेस मैत्रिणींची वाट
बाहेर निघताना नखरे सतराशे साठ

तुझं आणि माझं जमणार तरी कसं?

मला नसतात लक्षात वाढदिवसाच्या तारखा
जातो बाजाराला पण काम विसरतो सारखा

तुला मात्र आठवते पाचवीतली मैत्रिण
बारीक तुझी नजर , डोळे आहेत की दुर्बीण?

तुझं आणि माझं जमणार तरी कसं?

एक सांगू का तुला ?

हे सगळं असुनही आहे तसं जमवुया का आपण?
ऊन आणि सावली राहतात ना जसं

तुझं आणि माझं जमेल का तसं?


Author Unknown
« Last Edit: October 26, 2012, 09:26:03 PM by Tushar Kher »

Marathi Kavita : मराठी कविता


spider sachya

  • Guest
Re: तुझं आणि माझं जमणार तरी कसं?
« Reply #1 on: October 28, 2014, 03:13:42 PM »
very nice same syory about me.

vicky g

  • Guest
Re: तुझं आणि माझं जमणार तरी कसं?
« Reply #2 on: February 25, 2015, 08:12:12 PM »
Ek Number aahe kavita...
mala vatate majhya aayushyat pan asach kahisa ghadat aahe...

Aishwarya ingle

  • Guest
So smart your poem

Aishwarya ingle

  • Guest
Yo

Offline dilipbadade

  • Newbie
  • *
  • Posts: 8
एकदम झकास  :) :) :-*