Author Topic: आठवण त्या भेटीची…  (Read 979 times)

Offline Maddy_487

  • Jr. Member
  • **
  • Posts: 145
  • Gender: Male
आठवण त्या भेटीची…
« on: May 20, 2013, 05:36:15 AM »


आज शेवटचे एकदा भेटायला ये म्हणालीस मला
भेटायला पण नेमकी तीच जागा आवडली तुला
जिथे पहिल्यांदा प्रेमाने मिठी मारली होतीस मला

नेहमीप्रमाणेच आजही मी लवकर आणि तू उशिरा
नेहमी तुझ्या उशिरा येण्याचा राग करणारा मी
आज तू येयुच नयेस म्हणून प्रार्थना करणारा मी

शेवटी आलीस क्षणभर थांबलीस
बोलत सुटलीस आवेगाने
नेमके तेच जे ऐकायचे नव्हते

जसे शब्द तुझ्या तोंडून सुटत होते
मन माझे शब्दांबरोबर तुटत होते

तू बोलत होतीस मी नुसताच उभा होतो
तुझ्याबरोबर असतानाही एकटा पडत चाललो होतो

डोळ्यात अश्रू दाटू लागले शब्द ओठाआड गडप झाले होते
तू मात्र अखंड बोलत होतीस, मेलेल्या मला सरणावर जाळत होतीस

अचानक सारे काही थांबले, काळच थांबल्याचा भास झाला
जेव्हा माझ्या हातांना तुझ्या कोमल हातांचा स्पर्श झाला

त्याच हाताने तुला थांबवण्याचा केविलवाणा प्रयत्न सुधा झाला
हाताच्या ओंजळीत तेव्हा तुझ्या डोळ्यातले मोती पडले
इतके वर्ष जे मी कधीच नाही सांडू दिले

आणि निघालीही ती गरकन वळून
शेवटची ती भेट माझ्या ओंजळीत ठेऊन
मी तसाच उभा होतो शेवटपर्यंत
त्या पुसट होणाऱ्या आकृतीकडे आशेने बघत
आपल्याच नशिबावर हसत
शेवटची ती भेट सावरत…


                          मंदार



Marathi Kavita : मराठी कविता


Offline sweetsunita66

  • Full Member
  • ***
  • Posts: 862
  • Gender: Female
  • प्रेमा साठी जगणे माझे ।
Re: आठवण त्या भेटीची…
« Reply #1 on: May 20, 2013, 11:40:19 AM »

आणि निघालीही ती गरकन वळून
शेवटची ती भेट माझ्या ओंजळीत ठेऊन
मी तसाच उभा होतो शेवटपर्यंत
त्या पुसट होणाऱ्या आकृतीकडे आशेने बघत
आपल्याच नशिबावर हसत वा ,
शेवटची ती भेट सावरत...............................…वा ,खरच खूपच छान

Offline Maddy_487

  • Jr. Member
  • **
  • Posts: 145
  • Gender: Male
Re: आठवण त्या भेटीची…
« Reply #2 on: May 21, 2013, 06:17:37 PM »

धन्यवाद सुनिताजी